Në zemër të Cappadocia-s, më 11 prill 2026, Niğde Art Gallery u shndërrua në një hapësirë të gjallë dialogu artistik ndërkombëtar, duke mirëpritur artistë të artit pamor nga e gjithë bota.
Kjo ngjarje artistike solli përpara publikut një përzgjedhje veprash të ndjera dhe thellësisht reflektuese, ku çdo artist kontribuoi me gjuhën e tij unike krijuese. Përmes formave, ngjyrave dhe koncepteve, Art-quake 17, “Humanity wake up” “Go back to the beginning” u shndërrua në një thirrje të fuqishme për ndërgjegjësim dhe rikthim tek thelbi i njerëzimit.
Pjesëmarrja e artistëve i dha ekspozitës një dimension global, duke e kthyer atë në një urë lidhëse mes kulturave dhe vizioneve bashkëkohore. Në këtë mozaik artistik, Shqipëria dhe Kosova u përfaqësuan me dinjitet, duke sjellë identitet, ndjeshmëri dhe vlera të spikatura krijuese.
Atmosfera e veçantë e Niğde-s, në Cappadocia, e pasuroi më tej këtë përjetim estetik, duke e bërë ekspozitën jo vetëm një prezantim veprash, por edhe një reflektim të thellë mbi paqen, humanizmin dhe rrugëtimin e njeriut drejt origjinës së tij shpirtërore.
Ky event u organizua nga Art Niğde International, nën kurimin e z. Safa Büte, President i Art Niğde International.
