Dr Catherine Kelly ka kaluar tetë vite duke hulumtuar rreth efekteve terapeutike të natyrës për librin e saj Hapësira blu (Blue Spaces): Si dhe pse uji mund t’ju bëjë të ndiheni më mirë dhe beson se të kalosh kohë duke u lidhur me ‘hapësirat blu’ – zakonisht duke iu referuar ujërave natyrore – është jashtëzakonisht e dobishme për shëndetin tonë.
“Ka qenë në të, duke qenë pranë tij, duke menduar për të,”-tha Catherine, raporton The Guardian. “Të qenit në ujë ju sjell ju drejtpërdrejt në trupin tuaj. Unë mendoj se ky është thelbi i përfitimit të mirëqenies së ujit: ai ju nxjerr nga koka juaj. Ju nuk mund ta injoroni trupin tuaj kur uji përplaset mbi ju.”
Një banjë relaksuese, noti në një det apo liqen dhe shikimi i shiut mund të ndihmojnë në qetësimin e streseve të përditshme. Këtu janë këshillat kryesore të Catherine për të përfituar sa më shumë nga ‘hapësirat blu’.
Vizitoni bregdetin
Catherine rregullisht vizitonte plazhin e saj më të afërt gjatë karantinimit dhe beson se lloje të ndryshme detesh mund të sjellin gjendje emocionale të ndryshme. Kur ndihet e irrituar, asaj i pëlqen të shikojë dete të ashpra, ndërsa në ditë më të qeta kënaqet duke notuar në rrezet e diellit. Ecja përgjatë një plazhi dhe përqendrimi në horizont na jep gjithashtu një ndjenjë lirie dhe perspektive, duke na kujtuar që problemet tona nuk mund të jenë aq të mëdha sa kemi frikë.
Dëgjojeni ujin
Për Catherine është medituese të ulet pranë një burimi dhe të filtrojë çdo zhurmë tjetër. Nëse nuk keni një burim afër, një pellg në kopsht do të funksionojë gjithashtu.
Ujë i ftohtë
Metoda Wim Hof përfshin një shpërthim të ujit të ftohtë në fund të dushit tuaj. Filloni duke u zhytur për dhjetë sekonda dhe synoni të punoni deri në një minutë. Kjo do të shkaktojë një përgjigje anti-inflamatore për të lehtësuar ankthin dhe depresionin, plus përmirëson qarkullimin dhe çliron endorfina. Nëse një larje e gjithë trupi me ujë të ftohtë është shumë, thjesht spërkatni e fytyrën, do të ndihmojë gjithashtu.
Zhytyni në një dush
Merrni pak kohë për veten tuaj, ndizni disa qirinj dhe dëgjoni muzikë relaksuese ndërsa zhyteni në vaskë. Catherine rekomandon që të futeni në banjë ngadalë për të vlerësuar se si ndihet uji në lëkurën tuaj. Nëse ndiheni rehat, provoni të zhytni kokën nën ujë për disa sekonda dhe të mbani frymën tuaj. Kjo është një mënyrë e shkëlqyeshme për t’u çlodhur pranë ujit pa pasur nevojë të largoheni nga shtëpia.
Këshillat e tjera të Catherine përfshijnë imagjinimin se jeni duke ecur përgjatë një plazhi dhe po mendoni për ato që mund të shihni, dëgjoni dhe nuhatni, si dhe të shkoni për një shëtitje gjallëruese në shi.
Burimi: Cover Media
