Kënaqësi, ëndje dhe adhurim! Këto tre fjalë karakterizojnë hotelin me të njëjtin emër, Hotel Delight & Spa!
Vetëm 30 minuta nga Aeroporti Ndërkombëtar i Tiranës “Nënë Tereza”dhe 40 minuta nga kryeqyteti i Shqipërisë, Tirana, ndodhet destinacioni që po kërkonit për të shijuar pushimet tuaja verore!
Me një kapacitet prej 150 dhomash të 6 llojeve të ndryshme, Hotel Delight & Spa ofron një akomodim modern, mahnitës për syrin dhe tepër komfort, me një hapësirë të bollshme dhe ballkone që dhurojnë pamje fantastike dhe relaksuese.
Hoteli me konceptin “All Inclusive” ofron për pushuesit të gjitha shërbimet e tij të përfshira në cmimet aq të konkurueshme, duke filluar nga akomodimi në hotel, ushqimi dhe pijet e shijshme 24 orë, pishinën freskuese, shezlongët në plazhin privat të hotelit etj. për t’i bërë pushimet tuaja të paharrueshme!
Ajo ç’ka u jep vlerë të gjitha fasiliteteve që Hotel Delight & Spa ofron është servirja e tyre me aq profesionalizëm nga stafi i kualifikuar, që mirëpret dhe i shërben me kënaqësi çdo turisti që zgjedh të kalojë çaste relaksuese në ambjentet e tyre.
Qershia mbi tortë e kësaj parajse të ngritur në Golem është ushqimi i gatuar nga shefat dhe kuzhinierët më të mirë turq dhe shqiptarë, gatime nga kulinari te ndryshme për të lëpirë gishtat!
“Profesionin e kam filluar në vitin 1993 dhe kam një përvojë të mirë. Kam punuar me njerëz të suksesshëm dhe kam mësuar shumë gatime prej tyre. I falënderoj shefat e mi që më kanë mësuar këtë profesion. Kam punuar në hotele cilësore në Turqi dhe jashtë saj. Jam i lumtur që jam bërë shef kuzhine! I dua njerëzit e Shqipërisë. Unë i dua njerëzit e këtij vendi dhe në këtë vend dua të ofroj ushqim të mirë dhe të shijshëm, dekorime të këndshme, bufe ushqimi dhe dua të mësoj stafin që punon pranë meje.” – shprehet kuzhinieri turk Bülen Namdar për marrëdhënien e tij të mrekullueshme me kuzhinën, Shqipërinë dhe Hotel Delight & Spa.
Dëshira për të ofruar më të mirën është ajo që tërheq vit pas viti turistë të shumtë vendas dhe të huaj, që zgjedhin të kalojnë momente qetësie dhe relaksi në Hotel Delight & Spa.
