Nëse keni dëgjuar për sëmundjen e mëlçisë së dhjamosur, me siguri e dini se ajo dëmton funksionet e mëlçisë.
Për fat të mirë, kushdo që dëshiron të shmangë këtë sëmundje ose të reduktojë mundësinë që ajo të shkaktojë sa më shumë dëme, mund të ndërmarrë hapa të ndryshëm. Kjo mund të përfshijë uljen e niveleve të kolesterolit të keq, qëndrimin larg nga alkooli dhe menaxhimin e peshës.
Ju gjithashtu mund të pini rregullisht një filxhan kafeje në mëngjes, pasi sipas një studimi të ri, kafeja mund t’ju mbrojë nga sëmundjet e mëlçisë.
AgroWeb.org ju njeh më poshtë me të dhënat e studimit rreth efekteve mbrojtëse të kafesë për mëlçinë.
Çfarë zbuloni studimi
Gjatë studimit pjesëmarrësit iu nënshtruan analizimit të mëlçisë dhe dhanë mostra të urinës dhe gjakut. Ata iu përgjigjën pyetësorëve me pyetje rreth sasisë së kafesë, pijeve dhe ushqimeve me kafeinë, që konsumonin gjatë ditës. Të dhënat treguan se përbërësit e kafesë mund të ndihmojnë në parandalimin e përkeqësimit të sëmundjeve të mëlçisë.
Mekanizmat e saktë me të cilët kafeja mund të ndihmojë nuk janë kuptuar ende qartësisht, por disa kërkime sugjerojnë se konsumimi i kafesë mund të ndihmojë në përmirësimin e ndjeshmërisë ndaj insulinës, reduktimin e inflamacionit dhe uljen e stresit oksidativ, të cilët janë të gjithë faktorë që lidhen me zhvillimin e sëmundjeve të mëlçisë.
Ndërkohë, një regjim ushqimor i ekuilibruar, stërvitje e rregullt dhe një mënyrë jetese e shëndetshme janë ende mënyrat më të mira për të ruajtur shëndetin e përgjithshëm dhe për të zvogëluar rrezikun e zhvillimit të sëmundjeve të ndryshme në mëlçi.
Sa për njerëzit që kanë diabet të tipit 2, ata duhet të punojnë ngushtë me mjekun për të menaxhuar gjendjen e tyre dhe për të parandaluar zhvillimin e komplikimeve që lidhen me këtë sëmundje.
Burimi/AgroWeb.org
