Euro ka shfaqur një tendencë dobësimi ndaj dollarit amerikan që nga fillimi i vitit. Rënia mund t’i atribuohet divergjencës në trajektoret e inflacionit të eurozonës dhe SHBA-së, duke patur një vazhdimësi të nënçmimit të euros në raport me dollarin.
Euro, që shërben si monedhë zyrtare për 20 anëtarë të Bashkimit Evropian, ka pësuar një zhvlerësim të dukshëm kundrejt dollarit amerikan, duke rënë rreth 2.2% që nga fillimi i vitit 2024.
Pavarësisht nga një rritje e vogël e fundit në vlerën e euros, kursi i këmbimit midis dy monedhave, i shënuar si EUR/USD, ka mbetur në nivele historikisht të ulëta, duke u luhatur pak më poshtë se 1.08 në 14 maj.
Kjo rënie në fuqinë e euros mund t’i atribuohet kryesisht një mospërputhjeje të theksuar në politikat monetare të ndjekura nga Banka Qendrore Evropiane (BQE) dhe Rezerva Federale e SHBA (Fed), duke rezultuar në një përhapje të zgjeruar të yield-eve të obligacioneve të tyre qeveritare. Duket se euro mund të vazhdojë të shfaqë dobësi në të ardhmen e parashikueshme.
Inflacioni në eurozonë ka qenë në një tërheqje të vazhdueshme në vitin 2024, me uljen totale të CPI-së në 2.4% nga viti në vit në prill nga 2.9% në janar, më e ulëta që nga tetori 2023. Vlen të përmendet se eurozona përjetoi një kulm inflacioni në 10.6% në tetor 2022, një rritje që i atribuohet rritjes së çmimit të energjisë pas agresionit rus kundër Ukrainës.
