4039 bursa janë shpërndarë në mbështetje të nxënësve të regjistruar në arsim profesional me një fond total prej 281 milionë lekësh.
Ministri i Ekonomisë, Kulturës dhe Inovacionit, Blendi Gonxhja bëri të ditur se bursat jepen për nxënësit në bazë të kritereve ekonomike (të ardhurat) dhe jo-ekonomike (degët prioritare, mesatarja shkollore, etj)”.
“Përmes kësaj mbështetje synojmë integrimin në arsim profesional të çdo nxënësi dhe mbështesim degët prioritare të ekonomisë për forcë punëtore të kualifikuar me paga të larta”, shkruan Gonxhja.
Mbi 4 500 të rinj kanë zgjedhur të nisin studimet në arsimin profesional këtë vit shkollor. Në total janë 15 mijë të rinj që vijojnë studimet në shkollat profesionale.
