Drithërat, vajrat bimorë dhe qumështi nxisin uljen e Indeksit të Çmimeve të Ushqimit të FAO-s për muajin e dytë radhazi
Çmimet globale të mallrave ushqimore ranë në korrik për të dytin muaj radhazi, sipas raportit të Kombeve të Bashkuara publikuar ditën e sotme.
Indeksi i Çmimeve të Ushqimit të FAO-s shënoi në korrik 2021 mesatarisht vlerën 123.0 pikë, 1.2 përqind më ulët se muaji i mëparshëm, edhe pse është ende 31.0 përqind më i lartë se niveli i tij në të njëjtën periudhë të vitit 2020. Indeksi gjurmon ndryshimet në çmimet ndërkombëtare të mallrave ushqimore më të tregtuara globalisht. Ulja e indeksit në korrik reflektoi nga rënie e kuotimeve për shumicën e drithërave dhe vajrave bimore, si dhe produkteve të qumështit.
Indeksi i Çmimeve të Drithërave të FAO-s ishte 3.0 përqind më i ulët në korrik sesa në qershor, i nxitur nga një rënie prej 6.0 përqind nga muaji në muaj të çmimeve ndërkombëtare të misrit, të lidhura këto me rendimente më të mira seç ishin parashikuar më parë në Argjentinë dhe përmirësimin e perspektivave të prodhimit në Shtetet e Bashkuara të Amerikës, edhe pse kushtet e të korrave në Brazil mbetën një shqetësim. Çmimet e drithërave të tjerë si elbi dhe meleku gjithashtu ranë ndjeshëm, duke reflektuar kërkesën e dobët të importit. Sidoqoftë, kuotimet e grurit u rritën me 1.8 përqind më shumë në korrik, duke arritur nivelin e tyre më të lartë që nga mesi i vitit 2014, pjesërisht për shkak të motit të thatë dhe kushteve të të korrave në Amerikën e Veriut. Në të njëjtën kohë, çmimet ndërkombëtare të orizit arritën nivelet më të ulëta të dy viteve, të ndikuara nga luhatjet e monedhës dhe nga një ritëm i ngadalshëm i shitjeve ndikuar nga kostot e larta të transportit dhe pengesave logjistike.
Indeksi i Çmimeve të Qumështit ra me 2.8 përqind nga qershori, i ndikuar nga aktiviteti i ngadalshëm tregtar në hemisferën Veriore për shkak të pushimeve verore. Pluhuri i qumështit i skremuar regjistron rënien më të madhe, të ndjekur nga gjalpi, pluhuri i qumështit të plotë dhe djathi.
Indeksi i çmimeve të vajit bimor sipas FAO arriti nivelin më të ulët në pesë muajt e fundit, duke rënë me 1.4 përqind nga qershori, pasi çmimet e ulëta të vajit të sojës, rrushit dhe lulediellit më shumë kompensuan rritjen e vlerave të vajit të palmës. Niveli i ulët i përzierjes së bionaftës në Argjentinë nxiti uljen e çmimit të vajit të sojës, ndërsa për vajin nga farat e rrushit dhe lulediellit ndikuan furnizimet rekord për sezonin e ardhshëm 2021/22.
Në kontrast, Indeksi i Çmimeve të Sheqerit të FAO u rrit me 1.7 përqind në korrik, rritja e tij e katërt mujore. Rritja lidhet kryesisht me çmimet që pësoi nafta bruto, si dhe nga ndikimi i ngricave të fundit në prodhimet në Brazil, eksportuesi më i madh i sheqerit në botë, ndërsa perspektivat e mira të prodhimit në Indi parandaluan një kërcim më të madh.
Indeksi i Çmimeve të Mishit sipas FAO u rrit pak nga qershori, kuotimet për mishin e shpendëve u rritën më shumë për shkak të rritjes së importeve nga Azia Lindore dhe zgjerimeve të kufizuara të prodhimit në disa rajone. Çmimet e mishit të gjedhit gjithashtu u forcuan, të nxitur nga importet e larta nga Kina dhe furnizimet më të ulëta nga rajonet kryesore prodhuese. Ndërkohë, çmimet e mishit të derrit ranë pas një rënie të importeve nga Kina.
Burimi: FAO
