Kohët e fundit numri i këngëtarëve të rinj është shtuar shumë dhe të gjithë po e shohim këtë, por këngëtarit Erik Lloshi nuk i pëlqenka shumë kjo gjë dhe ka vendosur të ndajë kritikat e tij me ndjekësit. Ai ka bërë një video të gjatë që e ka shpërndarë në rrjetet e tij sociale, ku dhe flet për vështirësitë që po kalon çdo këngëtar i vjetër në profesion për shkak të emergjencës Covid-19.
Eriku përmendi gjithashtu edhe faktin që lokalet tashmë po marrin këngëtarët e rinj që thjesht e quajnë veten “këngëtarë”, me dy këngë gjithsej, e mbi të gjitha se ata këndojnë të gjithë repertorin e këngëtarëve të vjetër, pa asnjë të drejtë dhe kështu fitojnë në kurrizin e tyre./ProBizz.al/