Mes gazetarisë dhe modës, Anisa Kurtaj është themeluesja e brandit gjerman L’ANISÉ, e krijuar për princeshat e vogla. Anisa ka kryer studimet për gazetari në Fakultetin e Filozofisë në Tiranë, për gazetari dhe shkenca politike në Johannes Gutenberg University në Mainz të Gjermanisë dhe ka kryer masterin në degën e Komunikim dhe Kërkime Mediatike Shkencore.
Anisa Kurtaj, themeluesja e brandit L’ANISÉ 
Anisa Kurtaj, themeluesja e brandit L’ANISÉ
Çfarë e nxiti Anisën të themelojë brandin e saj?
Gjatë jetës së saj ajo është inspiruar nga femra konfidente dhe të pavarura. Modelet e saj në jetë ishin gjithmonë gratë që e njohin mirë veten e tyre dhe të cilat nuk kërkojnë falje për atë çfarë shfaqin ose janë. Këto femra janë të mësuara që prej një moshe te re për të pasur këtë mendësi në çdo aspekt të jetës së tyre dhe kështu u kthyen në një inspirim për Anisën. Kur krijoi L’ANISÉ, ajo vendosi të shkojë në fillimet e saj dhe të fokusohet tek vajzat e pavarura të së ardhmes. Vajzat e vogla që sot ulen në bankat e shkollës, ku ëndërrojnë të jenë mjeket, gazetaret ose astronautet e ardhshme, vajzat të cilat e duan familjen, kujdesen për gjyshërit e tyre dhe të cilat janë bekimi më i madh për prindërit. Këto vajza të forta, inteligjente ishin pika e parë e insipirtimit për L’ANISÉ. Princeshat e vogla të cilat kanë fuqinë të arrijnë lart në jetë do të veshin fustanet e L’ANISÉ me konfidencën të cilat e mësuan që të vogla.
Njihuni me L’ANISÉ, magjinë e veshjeve unike!
L’ANISÉ është shtëpia e modës së lartë, luksoze dhe me stil, brand gjerman i krijuar për princeshat e vogla të cilat vlerësojnë kualitetin e lartë të veshjeve, modeleve chic dhe që janë gjithmonë IN. Brandi L’ANISÉ frymëzon forcën dhe ndjekjen e ëndrrave nëpërmjet një linje veshjesh që ofron dizajne të sofistikuara dhe modë luksoze për audiencën më të bukur dhe të pafajshme që janë fëmijët.
L’ANISÉ e krijuar për të qenë referenca për veshjet e bukura, të rasteve të veçanta, mbështet vogëlushet me dizajne unike, kur bëhet fjalë për të zgjedhur një veshje për një ceremoni unike. Veshjet e tyre magjike u japin princeshave të vogla mundësinë të përjetojnë përrallat e tyre të preferuara, duke iu siguruar ëmbëlsinë dhe gëzimin e një fëmijërie të lumtur, ndërsa i fuqizojnë ato të ndihen të forta dhe me vetëbesim.
Vizioni që ata kanë për një fustan të përsosur princeshe është një fustan i bukur, i përshtatshëm për vajzën e vogël, ku të ndihet e fuqishme në të. Dizanjet e L’ANISÉ përputhen shumë mirë me këtë vizion. Fustanet janë të reja, moderne dhe me ngjyra. Ato ngjallin emocione dhe i bëjnë vajzat e vogla të buzëqeshin nga vëmëndja që marrin.
L’ANISÉ si në përalla…
Vlera kryesore e L’ANISÉ është që ata bashkojnë cilësinë dhe komoditetin me imazhe si në përralla, ku personazhi kryesor është një vajzë e vogël me ëndrra të mëdha. Çdo fustan i tyre është i përpunuar me dorë deri në detajet më të vogla, me materiale të cilësisë së lartë.
L’ANISÉ promovon një kualitet të lartë të copave dhe qepjeve në mënyrë që fustanet të trashëgohen brez pas brezi duke lidhur kujtime të mrekullueshme nëpërmjet motrave, mamave apo mbesave të gjeneratave të ndryshme. Brandi është i dedikuar për të promovuar respektin ndaj natyrës dhe këtë e tregojnë dhe në përzgjedhjen e materialeve, gjithashtu në sasinë që kanë nevojë për prodhimin e tyre.
Ku gjendet L’ANISÉ?
Qendra e kompanisë L’ANISÉ ndodhet në Frankfurt. Ata operojnë gjithashtu online në faqen zyrtare www.lanise.de. Brandi po operon në arenën ndërkombëtare në Kuwait, Arabinë Saudite dhe së shpejti në Katar. Në Rusi po punohet gjithashtu për të qenë pjesë e disa platformave të shitjes online dhe në butikë.
Brandi L’ANISÉ e hodhi hapin e parë të rëndësishëm drejt rritjes si markë dhe pozicionimit në tregun ndërkombëtar në pjesëmarrjen për herë të parë në një sfilatë mode në Moskë në maj të 2021, ku prezantoi koleksionin Pranverë-Verë dhe arritën një sukses të jashtëzakonshëm. Marka L’ANISÉ ka qenë gjithashtu pjesë e Javës së Modës Don në Rostov-on-Don dhe në The Luxury Network Event në Arabinë Saudite, ku L’ANISÉ mund të fitonte shikueshmëri mes markave të tjera luksoze./ProBizz.al
Anisa Kurtaj, në intervistën për IME Frankfurt 
Anisa Kurtaj, në intervistën për IME Frankfurt
Prezantimi i koleksionit Pranverë Verë 2021 të L’ANISÉ në Moskë 
Prezantimi i koleksionit Pranverë Verë 2021 të L’ANISÉ në Moskë
