Teksa teknologjia e ekraneve të palosshme vazhdon të jetë në trend, Microsoft dëshiron të sjellë palosjen e mouse wireless. Sipas një patente ndërkombëtare të zbuluar nga faqja gjermane e teknologjisë WindowsUnited, Microsoft po eksploron idenë e një “mouse të palosshëm”.
Patenta është e listuar në PatentScope, një shërbim nga Organizata Botërore e Pronësisë Intelektuale që ofron një bazë të dhënash të kërkueshme të aplikacioneve për patenta ndërkombëtare. Patenta e Microsoft u publikua të enjten dhe u dorëzua në mars. Ai përshkruan një mouse që duket i ngjashëm me atë pa tel të Microsoft Arc të sotëm, por me aftësinë për t’u bërë më i sheshtë dhe i lehtë për t’u mbajtur.
Sipas patentës, mouse mund të përfshijë një gjurmues lëvizjeje për të zbuluar lëvizjet. Patenta tregon për një komponent të brendshëm të konfiguruar për të komunikuar me valë të dhënat hyrëse të prekshme dhe të gjurmimit të lëvizjes në pajisjen kompjuterike.
Kompania Microsoft tregon qëllimin e krijimit të këtij mouse. “Mouse-t e sotëm janë shpesh shumë të rëndë ose të papërshtatshëm për t’u transportuar me një pajisje kompjuterike portative. Edhe mouse-t e vegjël të destinuar për udhëtime kanë tendencë të mos kenë një dizajn ergonomik dhe mund të jenë të parehatshëm për t’u përdorur.”
Burimi: Ars technica
