Në Shqipëri është organizuar një mbrëmjë gala nën kujdesin e Përfaqësisë për Shqipërinë të Shoqatës së Industrialistëve dhe Biznesmenëve të Pavarur nga Türkiye (MÜSİAD Albania), me pjesëmarrjen e përfaqësuesve të institucioneve të ndryshme turke, të institucioneve shqiptare dhe përfaqësuesve të biznesit nga vende të ndryshme.
Në një event që u organizua në Tiranë ishte i pranishëm zv.ministri turk i Tregtisë Mahmut Gürcan, ambasadori i Turqisë në Tiranë Tayyar Kağan Atay, përfaqësues të tjerë të institucioneve turke në Shqipëri, përfaqësues të MÜSİAD-it, deputetë të Kuvendit të Shqipërisë dhe përfaqësues të ambasadave.
Zv/ministri turk Gürcan tha se do ta mbështesin MÜSİAD-in në çdo etapë që është e nevojshme.
Ai u shpreh se Turqia dhe Shqipëria në të gjitha nismat që kanë janë duke forcuar mes tyre lidhjet në aspektin e tregtisë dhe zhvillimit ekonomik.
Ndërsa ambasadori Atay u shpreh se prezenca e përfaqësuesve të institucioneve turke në event është një mbështetje për hapjen e përfaqësisë së MÜSİAD-it në Shqipëri.
Hapja e MÜSİAD Albania është një mbështetje, një burim ekonomik për të dyja vendet“, tha gjatë fjalës së tij ambasadori turk.
Kryetari i MÜSİAD Albania, Muhammet İşler, u shpreh se dega e MÜSİAD-it, e krijuar në vendin mik dhe vëllazëror Shqipëri, do të çojë në një nivel më të lartë dimensionin ekonomik dhe tregtar të marrëdhënieve mes dy vendeve.
Eventi u organizua në kuadër të aktiviteteve për hapjen e MÜSİAD Albania, ndërkohë pjesë e ngjarjes ishte edhe një program artistik me valle turke dhe shqiptare.
