Prezantimet kryesore gjatë eventit të djeshëm të Google

Google realizoi ditën e djeshme një event të rëndësishëm ku u prezantuan Pixel 7, Pixel 7 Pro dhe Pixel Watch. Në të njejtën kohë kompania tregoi më tepër informacione rreth Pixel Tablet që do të vijë në vitin e ardhshëm.

Më poshtë do të tregojmë rreth prezantimeve kryesore që u bënë gjatë këtij eventi.

Pixel 7 dhe Pixel 7 Pro

Screenshot_2022_10_06_100321.webp

Pas disa muajsh plot me shfaqje të dizajnit dhe leaks, që të dy smartphone-t e linjës Pixel 7 janë të gatshëm për porosi dhe do të transportohen drejt përdoruesve duke filluar nga data 13 tetor. Pixel 7 do të kushtojë $599 në versionin bazë, ndërkohë që çmimi i Pixel 7 Pro do të nisë nga $899. Më tepër informacione mund të gjeni këtu.

Pixel Watch

GooglePixelWatch.webp

Pixel Watch do të vijë në treg me një çmimi $349,99 për versionin bazë, ndërkohë që versioni tjetër me ndërlidhje LTE do të kushtojë $50 më tepër.

Ora inteligjente do të vijë vetëm në një madhësi: 41mm. ekrani OLED i Pixel Watch me ndriçim maksimal 1,000 nits mbrohet nga shtresa Gorilla Glass 5. Sistemi do të fuqizohet nga proçesori Exynos 9110 i Samsung dhe pajisja do të ketë konfigurim 32/2GB. Sistemi operativ i përdorur do të jetë Wear OS.

Pixel Tablet

Pixel Tablet u prezantua për herë të parë nga Google gjatë këtij eventi. Pajisja do të vijë në 2 ngjyra, do të vijë me proçesorin Tensor G2 dhe mund të shoqërohet me një charging speaker që mund ta shndërrojë tabletin në një Google Nest Hub të gjeneratës së re.

Përmirësime në software

Screenshot-2022-10-06-at-9.08.43-PM.webp

Në Pixel 7 dhe Pixel 7 Pro njerëzit do të kenë mundësinë të shikojnë se për sa kohë kanë gërhitur apo janë kollitur gjatë gjumit. Për të realizuar këtë shërbim pajisja do të përdorë mikrofonin e smartphone-it dhe nuk do t’i shpërndajë të dhënat e regjistruara. Shërbimi mund të aktivizohet në Settings > Digital Wellbeing and parental controls > Show cough & snore activity.

Gjithashtu duke bashkëpunuar me Molly Burke, një krijues në rrjetet sociale që është i verbër, Google ofron një shërbim të ri të quajtur Guided Frame për të gjithë personat e verbër. Asistenti virtual do të ndihmojë të gjithë këta persona të gjejnë këndin ideal për selfie.

Burimi: Geek Room