Ditën e sotme Kryeministri i vendit Z. Edi Rama ishte pjesë e një takimi me importuesit, eksportuesit dhe furnizuesit e produkteve ushqimore, ku u diskutua për krizën energjitike në botë dhe Shqipëri.
Ai u bën thirrje bizneseve dhe qytetarëve të hedhin sytë nga vetëprodhimi i energjisë elektrike me panele fotovoltaike, si zgjidhje për përballimin e krizës, duke garantuar dhe mbështetjen nga vetë qeveria.
“Gjërat janë çdo ditë dhe më keq në pasqyrën e përgjithshme të furnizimit me energji. Të gjitha vendet po gjenden në një situatë krejt të parashikuar rritje të vazhdueshme të çmimeve të energjisë. Nga ana tjetër problemi themelor nuk është thjesht rritja e kostove por mundësia e mungesës së energjisë që të dalësh në treg dhe mos ta gjesh. Kemi marrë përsipër diçka që e konsiderojmë absolutisht bazë të domosdoshme për të mbajtur një frymëmarrje normale për një kohë të vështirë për të gjithë, mosarritjen e çmimit të energjisë për të gjithë familjarët dhe biznesin e vogël. Ndërkohë që për pjesën tjetër duke qenë se prej kohësh kemi në marrëdhënie të tregut të lirë, aty është një diskutim tjetër. E para, që bizneset e mëdha duhet të mendojnë për të investuar në vetëprodhim të energjisë pa pretenduar që të bëhen prodhues për të gjithë sistemin elektroenergjetik shqiptar se kjo pastaj për kohën që jemi është diçka që konsiderohet e rrezikshme për sistemin për futjen në rrjet të çdo pjese të energjisë që nuk konsumohet. Ne po përgatisim një plan për të mbështetur familjarët nëse familjet në një pallat do duan të investojnë për të vendosur panele diellore për përdorimin e tyre për ujin e ngrohtë, dhe njëkohësisht për bizneset nëse do duan të prodhojnë energji për fabrikën e tyre. Problemi i shkëmbimit aty është mundësia për ta pasur ditën dhe pamundësia për ta pasur natën. Ky është njëri aspekt dhe kjo nuk ka lidhje me krizën, nuk ka lidhje me luftën”. – tha Kryeministri Rama.
Është Eco Energia, kompania e parë e instalimit të impianteve fotovoltaike në Shqipëri, e cila del garant për përballimin e krizës energjitike dhe flukseve në rritje. Presidenti i “Eco Energia” Z. Rako Paja thotë që investimi në impiantet fotovoltaike është i domosdoshëm për çdo biznes apo familje shqiptare.
“Eco Energia projektoi Shqipërinë që nga viti 2014, të cilën e kishte parashikuar si vend me shtrirjen gjeografike spektakolare e cila mund t’i dilte ballë krizës së energjisë elektrike. Sot energjia fotovoltaike është e dosmosdoshme dhe e palëkundur. Dikur në vitet 2015-2016-2017 ishte luks nëse kishe impiant fotovoltaik, sot është detyrim ndaj fëmijëve dhe familjes së cdo biznesi apo familje shqiptare. U jemi mirënjohës autoriteteve, bankave dhe të gjithë investitorëve që sot reagojnë në një kohë rekord duke kontaktuar me kompaninë lider e cila garanton implementimin e impiantit në kohë rekord dhe sigurinë e impiantit për një prodhim afatgjatë 25 vite.” – shprehet Z. Paja.
Sipas Eco Energia kërkesat janë rritur me 70%, ku porositë janë mbi 50 megavat, që i besojnë konpanisë lider në fushën e energjisë së rinovueshme, Eco Energia!
“Pika më e fortë e kompanisë Eco Energia është dhe do të jetë projektimi dhe impianti do të jetë i vecantë dhe i projektuar për cdo subjekt me emër dhe me mbiemër. Ne nuk do të marrim asnjë projekt shabllon dhe ta vendosim kur nuk ju përket por inxhinierët dhe stafi jonë me eksperiencën e cila është 17 vjecare ka treguar që impiantet që kemi ndërtuar jemi shumë të kënaqur dhe nuk kemi asnjë lloj problemi. Kjo bën diferencën në kompaninë tonë.” – garanton presidenti i Eco Energia./ProBizz.al
