Sokol Sejdo, ka ndjekur studimet në klasë të parë deri në klasë të katërt për piano, duke hedhur bazat e para në muzikë që në moshë të hershme, pranë Pallatit të Pionierëve. Më pas vazhdoi në Liceun Artistik nga klasa e shtatë dhe të mesmen, ku thelloi formimin e tij muzikor, për të vijuar studimet e larta në Universitetin e Arteve, në degën e Klarinetes.
Pas përfundimit të universitetit, ka ndjekur dhe nje Vit pas Universitar në Konservatorin “Giuseppe Verdi” në Milano, një nga institucionet më prestigjioze të muzikës në Itali, ku përforcoi më tej identitetin dhe dëshirat e tij artistike për të ardhmen.
Karrierën profesionale e nisi SH.Q.U.P me Estradën e Ushtrisë vitet 1999. Më pas kontribuoi në Liceun Artistik “Jordan Misja” Tirane 2000-2015 si Mësues i degës Klarinetë , duke qenë ndër të parët që krijoi bandën e studentëve të muzikës Jazz, një nismë e rëndësishme për zhvillimin e këtij zhanri në ambientet akademike.
Është krijues i albumit të parë për saksofon në Shqipëri me titull “Njollë Bardhësie” vitet 1998-2003, një projekt që shënon një hap të rëndësishëm në rrugëtimin e tij artistik. Ka qenë i ftuar në shumë emisione televizive dhe aktivitete artistike, duke ndarë me publikun pasionin dhe stilin e tij unik.
Në repertorin e tij numërohen tre koncerte recitale Jazz ne sallen e Universitetit te Arteve Tiranë, në bashkëpunim me muzikantë profesionist jazz në Shqipëri dhe Kosovë, të cilat dëshmojnë për një përkushtim të vazhdueshëm ndaj muzikës dhe skenës.
Sot, ai vazhdon aktivisht jetën artistike në muzikën Jazz, duke sjellë një atmosferë të veçantë dhe emocione të thella përmes tingujve të saksofonit.
