CEO i Open Al Sam Altman, në episodin e parë të podcastit të kompanisë, është ndalur tek niveli i lartë i besimit që njerëzit kanë ndaj Chat GPT-së, ndonëse inteligjenca artificiale shpesh “halucinon” domethënë shpik , krijon informacion të gabuar por që tingëllon i besueshëm.
Altman e quajti këtë besim interesant dhe paksa i rrezikshëm vecanërisht në fusha delikate si shëndetësia , drejtësia dhe arsimi. Ai pranoi se ka përdorur edhe vetë Chat GPT për këshilla prindërimi por u bëri thirrje përdoruesve të jenë të vetëdijshem se AI nuk është gjithmonë i saktë.
Shumë njerëz po trajtojnë Chat GPT-në si një mik të besueshëm për shkak të aftësisë për të personalizuar përgjigjet dhe për të ofruar ndihmë në tema të ndryshme.
