Njerëzit që punojnë nga shtëpia kanë më pak gjasa të kenë rritje të pagave dhe promovime veçanërisht burrat, thotë një studim.
Projekti i parë kërkimor pas pandemisë në fenomenin “punë nga shtëpia” ka zbuluar se ata që shijojnë luksin mund të përballen me “ndëshkime” në karrierë.
Një ekip nga Universiteti i Varshavës prezantoi 937 menaxherë të punësuar në biznese dhe industri të ndryshme brenda Mbretërisë së Bashkuar me dy profile të anëtarëve hipotetikë të stafit me kohë të plotë, të cilët punonin ose pesë ditë në zyrë në javë, pesë ditë në shtëpi ose tre ditë në zyrë dhe dy në shtëpi.
Më pas, menaxherët zgjodhën se cilin prej tyre kishin të ngjarë të promovonin, dhe gjithashtu se cilin do t’i jepnin një rritje page.
Analiza zbuloi se menaxherët kishin 11 për qind më pak gjasa që t’i jepnin një promovim stafit që punonte tërësisht nga shtëpia sesa atyre që ishin plotësisht në zyrë.
Punëtorët hibridë – ata që punonin pjesërisht në zyrë dhe pjesërisht në shtëpi – kishin mesatarisht shtatë për qind më pak gjasa për t’u promovuar.
Menaxherët kishin gjithashtu nëntë për qind më pak gjasa që t’i jepnin një rritje pagave stafit që punonte tërësisht nga shtëpia sesa atyre që ishin plotësisht në zyrë, dhe shtatë për qind më pak gjasa t’i jepnin një të tillë punëtorëve hibridë.
Hulumtimi zbuloi gjithashtu një hendek gjinor – menaxherët kishin 15 për qind më pak gjasa të promovonin burra që punonin tërësisht nga shtëpia sesa ata që ishin plotësisht në zyrë, dhe 10 për qind më pak gjasa për të rritur pagën.
Shifrat për gratë ishin përkatësisht shtatë për qind dhe tetë për qind.
Autorja Agnieszka Kasperska tha në konferencën vjetore në internet të Shoqatës Sociologjike Britanike: ‘Pandemia e fundit Covid-19 ka shkaktuar një ndryshim thelbësor drejt punës nga shtëpia.
Përkthyer dhe përshtatur nga Daily Mail për Probizz.al