Kate Mason e cila jeton në Sydney, Australi, kaloi një dekadë duke punuar në komunikim në kompani si Google dhe YouTube përpara se të bëhej trajnere ekzekutive dhe të themelonte firmën e saj të komunikimit strategjik, Hedgehog +Fox në vitin 2017. Në punën e saj si trajnere komunikimi vuri re një “sindromë shqetësuese”, veçanërisht tek gratë që sipas saj i bën ato të heshtin dhe të minimizojnë arritjet e tyre.
Ja tre fraza që Mason rekomandon që të gjithë profesionistët t’i shmangin në vendin e punës së bashku me alternativa më të forta.
“Të duhet vetëm një sekondë”
Njerëzit që e përdorin këtë frazë tentojnë të jenë të sjellshëm për të treguar respekt, por në fakt ka efektin e kundërt.
Bashkëbiseduesi, pas disa minutash do të irritohet sepse thotë, “Prit, kjo do të ishte vetëm një sekondë”. Kjo frazë gjithashtu përcakton pritshmërinë se çfarëdo që keni për të thënë është e vogël ose e parëndësishme që mund të minojë mesazhin tuaj të vërtetë.
Një mënyrë e mirë për të artikuluar kërkesën tuaj është “Do të ndaj një orë për ne javën tjetër. Dua të flas për çështjen A,B dhe C. Më njoftoni nëse kjo kohë ju përshtatet”, shpjegon Mason.
“Mos u shqetëso nëse jo”
Kjo frazë përdoret zakonisht për të zbutur një kërkesë të drejtëpërdrejtë, por tregon se kërkesa juaj është me përparësi të ulët.
Në vend të kësaj, eskpertja e komunikimit Mason sugjeron të specifikoni qëllimin dhe afatin kohor të kërkesës suaj. Për shembull, “Do ta vlerësoja nëse do të më dërgonit redaktimet tuaja deri sot pasdite, sepse drafti përfundimtar duhet të dorëzohet nesër.
“Nuk jam ekspert, por…”
Kjo frazë do t’ju bëjë të dukeni më pak të besueshëm, zvogëlon autoritetin tuaj dhe tregon pasiguri, thotë Mason. Sipas saj të jesh i vetëdijshëm për vendin tënd në hiearkinë profesionale nuk është domosdoshmërisht një gjë e keqe, por në vend që të minimizosh vlerën tënde ajo rekomandon të përqafosh uniken që sjell në tryezë.
Përkthyer dhe përshtatur nga CNBC për Probizz.al
