Jeni një mendimtar i shpejtë? Jeni të njohur për marrjen e vendimeve të shpejta dhe të mençura?
Të qenit një mendimtar i shpejtë ka përfitimet e veta. Ju dukeni si të zgjuar dhe inteligjentë. Përgjigja më e shpejtë ju bën më kreativ, energjik dhe përgjithësisht më të lumtur.
Përveç kësaj, truri juaj bëhet më i mprehtë.
Ka disa gjëra që mund të bëni për t’u bërë një mendimtar i shpejtë. Këtu janë disa.
Shmangni bërjen e shumë detyrave
- Sado që “multi-tasking” lavdërohet, nuk ju ndihmon në asnjë mënyrë, veçse ju lodh.
Truri juaj nuk është i programuar për të trajtuar shumë detyra në të njëjtën kohë.
Hulumtimet tregojnë se kryerja e shumë detyrave mund t’ju bëjë më pak produktivë. Ajo ul aftësinë e dikujt për të mësuar, hapësirën e vëmendjes dhe performancën mendore.
Pra, nëse dëshironi të stërvitni trurin tuaj për të menduar më shpejt, shmangni bërjen e shumë detyrave.
Qeshni më shumë dhe bëni ushtrime
- E qeshura mund të shërojë shumicën e problemeve. Mund të reduktojë hormonet e stresit në tru, duke rezultuar kështu në përmirësimin e funksionit të kujtesës afatshkurtër.
- Ushtrimi është zgjidhja për shumicën e problemeve, dhe gjithashtu një mjet për të rritur fuqinë e trurit.
Çdo lloj lëvizjeje trupore ndihmon të mësuarit më të shpejtë, përmirëson fokusin dhe fuqinë për të kujtuar. Një studim suedez arriti në përfundimin se rritja e lëvizjes kardiovaskulare i bën njerëzit më inteligjentë.
Lexo: Neuroshkencëtarja: Ushtrimi i trurit për një kujtesë më të fortë dhe gabimi që mund ta ‘dëmtojë’ atë
Inkurajoni veten të mendoni më shpejt në gjërat e vogla
- Filloni të sfidoni veten për të marrë vendime më shpejt në aktivitetet e përditshme. Për shembull, në një restorant, zgjidhni vaktin tuaj më shpejt se zakonisht.
Në mënyrë të ngjashme, zgjidhni më shpejt veshjen tuaj për ditën, cilin lëng të pini, ku të dilni, etj.
Kjo do ta trajnojë trurin tuaj të mendojë më shpejt dhe gradualisht do të filloni të mendoni më shpejt edhe në aspekte të tjera të jetës.
Bëni gjumë të mjaftueshëm; meditoni
- Gjumi i mirë nuk është i dobishëm vetëm për trupin, por edhe i rëndësishëm për trurin. Gjumi i shëndoshë e ndihmon trurin të mendojë më shpejt dhe më saktë.
- Meditimi mund ta ndihmojë trurin tuaj të ndajë gjërat e rëndësishme nga ato jo shumë të rëndësishme.
Meditimi përmirëson fokusin dhe injoron rrëmujën e panevojshme. Më pas truri juaj mëson të përgjigjet më mirë ndaj gjërave të rëndësishme.
Luani puzzles; mësoni një instrument muzikor
- Luani më shumë lojëra puzzle dhe sfidoni trurin me lojëra truri. Aktivitete të tilla stimulojnë qelizat e trurit dhe ndihmojnë trurin të mendojë më shpejt në situata të ndryshme.
- Një mënyrë tjetër mund të jetë të mësoni të luani një instrument muzikor. Ai rrit kujtesën, aftësitë njohëse dhe rrit fuqinë përpunuese të trurit. Dihet se kitara mpreh trurin tuaj dhe përmirëson kohën e reagimit.
Burimi: NewsBytes
