Nga Julinda Hasa – Psikologe dhe Trajnuese stafi
Eksperiencat pozitive nё punё rrallё ndodhin rastёsisht. ato janё produkt i njё lidershipi tё studiuar dhe tё saktё në kryerjen e punës. Punonjёsit tuaj i japin jetё misionit dhe qёllimit tё kompanisë. Nёse punonjёsit ikin, ikёn dhe biznesi. Kur drejtuesit i japin prioritet angazhimit tё punonjёsve nё punё i ndihmojnё ata tё rriten dhe të zhvillohen brenda kompanisë. Sipas Gallup 41% e punonjёsve nё punё janё tё stresuar. 1 nё 5 punonjёs janё tё vetmuar, gjysma e punonjёsve janё nё kёrkim tё njё pune tjetёr nё mёnyrё aktive, 1 nё 4 punonjёs kanё burnout shpesh ose gjithmonё.
Sa i pёrket vendit tonё, ‘Punonjёsit shqiptar janё mё tё stresuarit nё Ballkanin Perёndimor sipas raportit tё publikuar sё fundmi nga Gallup, ku rezulton se 46% e punonjёsve nё vendin tonё kanё stres tё pёrditshёm nё punё’.
Nga vjen ky stres? Qё tё kuptojmё shkaktarёt dhe ҫfarё mund tё bёhet duhet tё shohim arsyet dhe ҫfarё po ndodh nё kompanitё nё vendin tonё. Angazhimi, motivimi dhe kёnaqёsia e punonjёsve nё punё ndikohen direkt nga stili i lidershipit, politikat e kompanive, kultura e punёs dhe kryesisht se sa i paguar dhe vlerёsuar ai punonjёs ndihet nё kompani. Kjo do tё thotё qё duhet tё veprohet pёr tё adresuar kёrkesat dhe nevojat e punonjёsve nёse nuk ёshtё bёrё mё pёrpara. Nёse punonjёsit nё kompani nuk trajtohen me respekt dhe profesionalizёm herёt a vonё do tё ikin nga ajo kompani.
Pёr ta, tё ndihen pjesё e kompanisё ёshtё domosdoshmёri dhe jo njё tekё. Pёr tё patur punonjёs mё pak tё stresuar dhe mё tё angazhuar sugjerohet tё pёrmirёsohen kushtet e punёs, respektimi i kontratave, paga, benefitet, respekti dhe tё dёgjuarit aktiv nё komunikim, adresimi dhe zgjidhja e konflikteve. Kemi dëgjuar për pronarë që sillen keq me punonjёsit e tyre pasi nuk janë të kënaqur me performancën e punonjësit, nuk arrijnë objektivat etj., pa kuptuar që nëse sillen keq me punonjësit e tyre i nxisin ata të sillen keq duke u larguar nga puna me raste dhe pa njoftuar, duke gënjyer, apo duke bёrё mungesa tё pajustifikuara.
Tё trajtosh mirё dhe me respekt punonjёsin ndihmon kompaninё nё krijimin e njё kulture pozitive dhe tё qёndrueshme pune si dhe ul nё pёrgjithёsi stresin e punonjёsve. Punonjёsit qё ndihen pjesё e kompanisё rrinё dhe kontribuojnё nё zhvillimin e saj dhe ata qё nuk ndihen pjesё e lёnё kompaninё.
Kjo arrihet ndër të tjera dhe duke zhvilluar dhe vënë në veprim strategji efektive tё cilat promovojnё mirëqënien e punonjësve në punë, zhvillimin dhe mbështetjen e vazhdueshme tё tyre. Por, kjo kërkon më shumë se një pyetësor të thjeshtë i cili bëhet një herë në vit për të parë nëse punonjësit janë të angazhuar apo jo. Mirёqёnia e punonjёsve ёshtё faktor kyҫ nё zhvillimin e kompanisё pasi duke u kujdesur pёr mirёqёnien e tyre monetare, fizike, shёndetin mendor dhe zhvillimin e tyre nёpёrmjet trajnimeve dhe mbёshtetjes sё vazhdueshme do tё keni punonjёs produktiv si dhe ekipe tё fokusura, efektive dhe tё angazhuara drejt rritjes sё kompanisё./Businessmag
