Presidenti i Francës goditet me shuplakë

Presidenti i Francës, Emmanuel Macron është goditur me shuplakë në fytyrë ndërsa ai po zhvillonte një vizitë zyrtare në juglindje të Francës.

Në mediat sociale është duke qarkulluar një video në të cilën është regjistruar incidenti. Pasi Macron afrohet të përshëndesë një grup të qytetarëve, një burrë e godet atë në fytyrë. Oficerët e sigurisë reagojnë shpejt dhe e tërheqin presidentin larg.

Gjatë sulmit ndaj Macroni u dëgjua brohorima “Poshtë Macron-izmi”. Mediat franceze raportuan se dy burra janë arrestuar pas incidentit.

Më vonë presidenti Macron, në një intervistë për gazetën Dauphine Libere e cilësoi incidentin si një “ngjarje të izoluar” dhe fajësoi për atë individët “shumë të dhunshëm“.

Edhe politikanët e tjerë francezë e kanë dënuar incidentin. Kryeministri Jean Castex i tha Asamblesë Kombëtare se demokracia nënkupton debat dhe mosmarrëveshje legjitime, por ajo “në asnjë rast nuk duhet të nënkuptojë dhunë, agresion verbal dhe akoma më pak sulm fizik”.

Udhëheqësi i ekstremit të majtë, Jean-Luc Melenchon, u solidarizua me presidentin Macron.

Ndërsa udhëheqësja e ekstremit të djathtë, Marine Le Pen, tha se “në debatin publik nuk duhet të tolerohet dhuna fizike”.

Presidenti Macron po zhvillon një turne në Francë, pas heqjes së masave kundër pandemisë.

Burimi: BBC News

Me Te Lexuarat

spot_img
spot_img