Përshpejtimi i punës në distancë ka krijuar një kategori krejtësisht të re të udhëtimeve afatgjatë, sipas CEO të Airbnb (ABNB), Brian Chesky.
Tani, ai po i bashkohet radhëve, duke zgjedhur të drejtojë kompaninë e tij globale nga një listë e ndryshme Airbnb çdo disa javë – “i armatosur” me asgjë më shumë se një laptop dhe WiFi të mirë.
“Unë mendoj se ne jemi duke përjetuar ndoshta ndryshimin më të madh për të udhëtuar që nga ardhja e fluturimeve komerciale, sepse i gjithë identiteti i udhëtimit po evoluon,” tha ai, në një intervistë me Yahoo Finance. “Unë mendoj se ju e kuptoni, nëse miliona njerëz po i bashkohen kësaj prirje, edhe unë duhet ta bëj.“
Sipërmarrja personale e Chesky është pjesë e një shtytjeje më të madhe nga platforma e ndarjes së shtëpisë për të përfituar nga rritja shpërthyese e jetesës së decentralizuar. Puna në distancë i ka lejuar punonjësit të operojnë gjithnjë e më shumë të palidhur, me më shumë fleksibilitet dhe Airbnb po korr përfitimet e kësaj.
‘Bota po shkon në shumë fleksibilitet‘
Në tremujorin e saj më të fundit, kompania raportoi se një në çdo pesë netë bruto të rezervuara në platformë ishin për qëndrime prej 28 ditësh ose më shumë. Pothuajse gjysma e netëve të rezervuara ishin për qëndrime prej shtatë ditësh ose më gjatë, duke shënuar një kërcim afërsisht 45% nga nivelet para pandemisë.
“Mund të jetë një javë, disa javë, muaj apo edhe sezone të tëra. Ajo që ne kemi parë që ka ndryshuar është një fleksibilitet i ri”, tha Chesky. “Njerëzit janë duke udhëtuar kudo, gjatë gjithë kohës.“
Interesi për punën në distancë është rritur gjatë dy viteve të fundit. Dhe studimet e fundit kanë treguar se kërkesa për punë fleksibël mbetet, edhe pse ekonomia është hapur kryesisht. Kërkimet e punës për punë në distancë u rritën më shumë se 300% midis qershorit 2019 dhe qershorit 2021, sipas Glassdoor.
Kjo ka zhvendosur mundësinë e biznesit nga udhëtimi në “të jetuarit” për Airbnb, tha Chesky, megjithëse ai theksoi se fokusi në rritje në qëndrimet afatgjata shënoi një zgjerim, jo një ndryshim. Kompania ka ripërpunuar funksionin e saj të kërkimit, për të lejuar përdoruesit të gjejnë qëndrime pa u kufizuar në data specifike. Të enjten, kompania nisi një program të ri sigurimi udhëtimi, për të lejuar më shumë mbrojtje kundër anulimeve. Vitin e kaluar, Airbnb zbuloi një program pilot “Live Anywhere” që ofron qëndrime falas për një vit për 12 individë dhe familjet e tyre.
Chesky la të kuptohet se platforma do të ketë “disa oferta mjaft të mëdha” në muajt e ardhshëm, që synojnë zgjidhje “end-to-end” për udhëtarët.
Airbnb ka ndryshuar kulturën e saj të korporatës, krahas këtyre ndryshimeve. Ndërsa firma ende nuk ka krijuar një politikë afatgjatë për kthimin në zyrë, ajo i ka lejuar punëtorët të qëndrojnë në shtëpi për momentin.
Dhe ndërsa Chesky planifikon të kthehet në selinë e kompanisë në San Francisko ndërmjet qëndrimeve të tij në Airbnb, ai nuk sheh një kthim të përhershëm në një javë pune pesë-ditore që punonjësit e tij përjetuan para pandemisë.
“Mendoj se ditët kur njerëzit kthehen në zyrë pesë ditë në javë kanë mbaruar. Madje mendoj se modeli për të cilin njerëzit po flisnin në distancë me një hibrid prej tre ditësh në javë është gjithashtu paksa tepër ambicioz,” tha ai. “Unë mendoj se ajo që të gjithë kuptojnë është se më shumë fleksibilitet është ajo ku po shkon bota.”
Burimi: Yahoo
