Dwayne Johnson ndihmoi një fans i ri të kishte një ditëlindje ekstra të veçantë duke e surprizuar atë me një video mesazh të personalizuar.
Të dielën, aktori, 49 vjeç, ndau një video të adhurueshme që dokumentonte surprizën e ditëlindjes, e cila vuri një buzëqeshje të madhe në fytyrën e fansit 7-vjeçar.
“Pra, ky mesazh është për një fëmijë shumë të veçantë. Për një fëmijë ‘cool’. Jo vetëm ndonjë fëmijë interesant, por fëmija më interesant në planet. Është koha e ditëlindjes së madhe për Kash,”-tha aktori, 49 vjeç, në klip. “Gëzuar ditëlindjen shoku!“
“Kash, DJ këtu, i njohur edhe si xhaxhai yt Rock. Shpresoj të kesh një ditëlindje të shkëlqyeshme dhe të kalosh kohën më të mirë. Ha shumë tortë apo çfarëdo që dëshiron zemra jote sepse është ditëlindja jote. Të dërgoj shumë dashuri,”-shtoi ai. “Përqafoje babanë tënd për mua, të lutem. Përqafoje nënën tënde dhe kalofshi më së miri. Kalofsh ditëlindjen më të mirë dhe do të shihemi së shpejti!”
Krahas videos, Johnson shkroi se atij i pëlqen të ketë një ndikim kaq pozitiv te fansat e rinj. “Dua të them, shikojeni fytyrën e këtij djali të vogël që buzëqesh!!“-ai shkroi, duke shtuar: “këto gjëra janë vërtet pjesa më e mirë e punës sime“.
Burimi: PEOPLE
